Ræðumennska og framkoma

Námsmarkmið

Markmið er að efla þátttakendur í að tjá skoðun sína fyrir framan hóp af fólki og flytja mál sitt á hnitmiðaðan hátt, hvort sem er í starfi eða leik. Farið yfir helstu grunnatriði ræðumennsku bæði hvað varðar texta og flutning.

Kennsluform

Fyrirlestur, umræður, verkefni, dæmisögur og myndskeið. Á þessu námskeiði er gert ráð fyrir að þátttakendur vinni verkefni milli skipta.

Lengd námskeiðs

Námskeiðið er 12 klst. (3×4 klst.).

Námskeiðslýsing

Farið yfir hvernig á að fanga athygli áheyrenda og halda henni, hvort sem er með húmor eða annarri nálgun. Jafnframt er kennd færni í að byggja upp ræður/texta og segja það sem þarf að koma á framfæri á skýran og skilmerkilegan hátt. Þátttakendur semja og flytja efni eða nota efni sem tengist vinnu þeirra á hverjum tíma.

Kenndar leiðir til að efla sjálfstraust og takast á við streitu en skortur á því fyrrnefnda og of mikið af því síðara telst til helstu ástæða þess að einstaklingar óttast að tala fyrir framan hóp af fólki.

Leiðbeinandi

Ragnar Matthíasson mannauðsráðgjafi – MBA og MSc. í mannauðsstjórnun.

Ragnar hefur víðtæka reynslu af námskeiðahaldi og ráðgjöf. Hann hefur unnið fyrir fjölda fyrirtækja af ýmsum stærðum og gerðum.

Hafðu samband og fáðu nánari upplýsingar um hvað hentar þínum vinnustað

dæmi um ánægða viðskiptavini

"Ragnar vann mjög góða undirbúningsvinnu með stórum hópi starfsmanna hér innanhúss og gerði í framhaldinu fræðsluáætlun fyrir alla starfsmenn fyrirtækisins. Ragnar vann þessa vinnu af fagmennsku og samviskusemi."

Við hjá Glófa ehf höfum nýtt okkur þjónustu Ragnars Matthíassonar bæði varðandi stjórnunar-og mannauðsráðgjöf og einnig hefur hann haldið fyrir okkur stjórnendanámskeið og vinnustofu. Við fengum einnig handleiðslu fyrir nokkra stjórnendur sem kom mjög vel út. Vinnan með Ragnari gerði það að verkum að við erum nú meðvitaðri um styrkleika okkar og leggjum upp með að sjá um okkar verkefni, passa tímamörk, verklag og upplýsingagjöf til starfsmanna og mynda þannig skilvirka verkferla og samskiptaform sem nýtist stjórnandanum og öllum starfsmannahópnum. Við hjá Glófa ehf erum mjög ánægð með kynnin og samstarfið við Ragnar.

Eitt besta námskeið sem ég hef farið á.

Námskeiðið er innihaldsmikið og hnitmiðað. Skerpt er á helstu þáttum þegar kemur að stjórnendum fyrirtækja. Námskeiðið hjálpaði mér í því að sjá betur hver ég er sem stjórnandi og hvað má bæta um betur. Frábært námskeið ! Takk fyrir mig.

Mikill kostur að hafa námskeið á mannlegum nótum, maður lærir meira af því heldur en að hafa leiðbeinanda með prik í rassinum. Ragnar veit hvað hann er að gera. Mannlegur og tekur gott spjall.

Ragnar kemur efninu vel frá sér. Er með nettan húmor sem setur góðan anda.