HÓPEFLISNÁMSKEIÐ – RM Ráðgjöf

Námsmarkmið

Að gera stjórnendur meðvitaðri um sína tímastjórnun og vinnuskipulag ásamt
því að vekja þá til umhugsunar um hvernig þeir stýra sínu starfsfólki, með það að
markmiði að gera þá að öflugri stjórnendum með betri stjórnun á tíma sínum og starfsfólki.

Námskeiðslýsing

Námskeið er tvískipt.

Fyrri parturinn snýr að eigin
stjórnun, hvernig við stýrum vinnu okkar, verkefnum og tíma, og hvernig við
komumst yfir öll þau verkefni sem liggja fyrir. Unnið er m.a. með
markmiðasetningu og yfirfærslu hennar á dagleg störf þátttakenda. Til að greina
mikilvægi verkefna og skipulag á þeim er m. a farið í Paretolögmálið og verkefnalista.

Í seinni hluta námskeiðsins er stjórnun starfsmanna
tekin fyrir – listin að stjórna sér og öðrum, hvernig við sem stjórnendur getum
haft áhrif á starfsmenn, líðan þeirra og afköst. Farið í grunnatriði
stjórnunar, aðferðir, völd, ábyrgð og leiðir til að koma hlutum í verk og láta
gott af sér leiða.

Lengd námskeiðs

Námskeiðið er 6 klst. (2×3 klst.).

Leiðbeinandi

Ragnar Matthíasson mannauðsráðgjafi – MBA og MSc. í mannauðsstjórnun.
Ragnar hefur víðtæka reynslu af námskeiðahaldi og ráðgjöf. Hann hefur unnið fyrir fjölda fyrirtækja af ýmsum stærðum og gerðum

dæmi um ánægða viðskiptavini

"Ragnar vann mjög góða undirbúningsvinnu með stórum hópi starfsmanna hér innanhúss og gerði í framhaldinu fræðsluáætlun fyrir alla starfsmenn fyrirtækisins. Ragnar vann þessa vinnu af fagmennsku og samviskusemi."

Við hjá Glófa ehf höfum nýtt okkur þjónustu Ragnars Matthíassonar bæði varðandi stjórnunar-og mannauðsráðgjöf og einnig hefur hann haldið fyrir okkur stjórnendanámskeið og vinnustofu. Við fengum einnig handleiðslu fyrir nokkra stjórnendur sem kom mjög vel út. Vinnan með Ragnari gerði það að verkum að við erum nú meðvitaðri um styrkleika okkar og leggjum upp með að sjá um okkar verkefni, passa tímamörk, verklag og upplýsingagjöf til starfsmanna og mynda þannig skilvirka verkferla og samskiptaform sem nýtist stjórnandanum og öllum starfsmannahópnum. Við hjá Glófa ehf erum mjög ánægð með kynnin og samstarfið við Ragnar.

Eitt besta námskeið sem ég hef farið á.

Námskeiðið er innihaldsmikið og hnitmiðað. Skerpt er á helstu þáttum þegar kemur að stjórnendum fyrirtækja. Námskeiðið hjálpaði mér í því að sjá betur hver ég er sem stjórnandi og hvað má bæta um betur. Frábært námskeið ! Takk fyrir mig.

Mikill kostur að hafa námskeið á mannlegum nótum, maður lærir meira af því heldur en að hafa leiðbeinanda með prik í rassinum. Ragnar veit hvað hann er að gera. Mannlegur og tekur gott spjall.

Ragnar kemur efninu vel frá sér. Er með nettan húmor sem setur góðan anda.